შეეცადეთ, რაც შეიძლება ხშირად იაროთ ფეხით ან ველოსიპედით
ნუ გამოიყენებთ ავტომობილს მოკლე მანძილზე გადასაადგილებლად
იმგზავრეთ საზოგადოებრივი ტრანსპორტით
ნუ მოცდებით საცობში დგომით. ელექტროტრანსპორტი, როგორიცაა მეტრო და საბაგირო უზრუნველყოფს თქვენ დროულ და გამონაბოლქვის გარეშე გადაადგილებას
იზრუნეთ თქვენი ავტომობილის ტექნიკურ, განსაკუთრებით წვის სისტემის, გამართულობაზე! (სავალდებულო პერიოდული ინსპექტირების ცხელი ხაზი - 1484)
გამართეთ ავტომობილი
- წვის სისტემა (ძრავი და გამონაბოლქვის კონტროლის სისტემა);
- სავალი ნაწილი;
- ელექტრომოწყობილობები;
- სამუხრუჭე სისტემა;
- საჭის მართვის სისტემა;
- მინასაწმენდები;
- განათება.
არ ამოიღოთ ე.წ. კატალიზატორი! მისი მწყობრიდან გამოსვლის შემთხევაში შეცვალეთ ახლით
უკეთ მართეთ ავტომობილი - დაიცავით ეკო-მართვის შემდეგი პრინციპები
- მოვერიდოთ ავტომობილის დგომას ჩართული ძრავით
- დროულად გამოვცვალოთ ძრავის ჰაერის ფილტრი
- შევინარჩუნოთ საბურავებში რეკომენდებული ჰაერის წნევა
- არ განვაგრძოთ საწვავის ჩასხმა მას შემდეგ, რაც საწვავის ავზის გავსების შემდეგ ჩასასხმელი მოწყობილობა (პისტოლეტი) ავტომატურად გაითიშება
- შეძლებისდაგვარად გამოვიყენოთ კრუიზკონტროლი, რომელიც თავად არეგულირებს მოძრაობის სიჩქარეს
- ძრავის ბრუნვის დაბალი სიჩქარით მოძრაობა იწვევს საწვავის მოხმარების შემცირებას
- გადაცემათა კოლოფი უნდა გადავრთოთ მაღალ გადაცემაზე, რაც შეიძლება ადრე და დაბალ გადაცემაზე გადავრთოთ, რაც შეიძლება გვიან
- შუქნიშნის წითელი ფერის რეჟიმზე გადასვლის დროს შუქნიშანთან მიახლოებისას ვიმოძრაოთ ინერციის გამოყენებით
- წინასწარ დავგეგმოთ მოძრაობა
- ნუ გავახურებთ ძრავს დაძვრამდე. დავძრათ ავტომობილი და დაძვრის შემდეგ მცირე ხნით ვიმოძრაოთ ძრავის დაბალი ბრუნვათა რიცხვით, სანამ ძრავი არ გათბება
- ნუ ვიმოძრავებთ ზაფხულში ზამთრის საბურავებით
- მინიმუმამდე შევამციროთ კონდიციონერის გამოყენება
- კატალიზატორი შესაძლოა დაზიანდეს თუ ავტომობილის დაქოქვა წარმოებს მისი ბუქსირებით
- გავათავისუფლოთ ავტომობილი ზედმეტი ტვირთისგან
- შევეცადოთ ტვირთი განვათავსოთ ავტომობილის საბარგულში და არა სახურავზე
ნუ იმგზავრებთ ავტომობილით მარტო - დაიმგზავრე!
ავტომობილის შეძენისას არჩევანი გააკეთეთ უფრო სუფთა ტექნოლოგიაზე, როგორიცაა ელექტრომობილი და ჰიბრიდი. ასეთი არჩევანი გარემოს დაბინძურებასთან ერთად საწვავის ხარჯსაც მნიშვნელოვნად ამცირებს
შეამცირეთ შეშის მოხმარება
შეშა გაცილებით უფრო „ბინძური“ საწვავია ვიდრე ბუნებრივი აირი
